kami sa Una sa Balilahan

Naka hinumdum pa ako nan gagmay pa kami wara pay karsada na imo maagihan kundili gamay na agihan nan kabaw lamang. wara pay uso nan motorsiklo sikat na kaw kon may imo besikleta napaka simply an kinabhi namo sa una . an balilahan pila pa lamang ka bubong ang gahuya pero napaka malipayon an mga tao bagan waray problema , pag mangeskwela kami netbag an amo gamit, waray uniforme sa eskwelahan waray baon na kwarta pag recess kundi buwa nan niyog manguha kami nan bunga nan sani (nepa) na butong pa usahay bunga nan masanitas .

Kalami lamang hinumdumon nan panahon sa una, magtabo kami nan tubig an gamit namo na timba sa lata nan pintura usahay bunawan pa ninay kay dugay makauli tungod kay gaduwa imbes gamiton an tubig pan tugna unta waray miabot tungud kay gi una an duwa. pagmag kasabot an mga amigo amiga manguha nan butong sa bukid usahay pinya, da na isab an pan gulay nan gabi ug bisan uno lamang an maagiahan.."buhay nga naman "laong pa nan tagalog.pag tag uwan na bagan magpuluho na kami mangiskwela kay manaan kami sa basakan maligo sa baha pagmagkasabot an barkada maghimo kami nan gakit nan bani nan saging dayon amoy amo sakyan sa baha para manirador nan mga langgam sa kilid nan basakan .pagka dum isab kon may buwan napaka bibo sa balilahan kami mga kabataan magtawagan para magduwa nan tigbas tigbasan an mga dalagingding ug ulitawhay magsugod na pagsinungugay pagkamagkasabot manguha nan mangga na yangahog sa kapon an .